სასკოლო სპორტული ოლიმპიადის რეგიონალური თამაშების ფარგლებში, განათლების, კულტურის, სპორტისა და ახალგაზრდულ საქმეთა სამსახურის ორგანიზებით, ქ. ყვარელში, ილიას ტბაზე, შეჯიბრი გაიმართა გეზრბენში. 

ვაჟებს შორის პირველი ადგილი ყვარლის სოფელ თივის საჯარო სკოლის, ხოლო მეორე ადგილი კი ახმეტის მუნიციპალიტეტის სოფელ ზემო ალვანის საჯარო სკოლის გუნდებმა დაიკავეს. 

გოგონათა გუნდებს შორის, პირველი ადგილის მფლობელი ლაგოდეხის მუნიციპალიტეტის სოფელ ბაისუბნის საჯარო სკოლის გუნდი გახდა, მეორე ადგილი კი გურჯაანის მუნიციპალიტეტის სოფელ ჭანდარის საჯარო სკოლის გუნდს ხვდა წილად. 

შეჯიბრში გამარჯვებულ მონაწილეებს სიგელები და თასები გადაეცათ. 

გუნდები მონაწილეობას მიიღებენ ოლიმპიადის ფარგლებში, აღმოსავლეთ საქართველოს გუნდებს შორის ჩატარებულ შეჯიბრში, რომელიც ზაფხულში გაიმართება.

#ყვარლისმუნიციპალიტეტი2023
#სასკოლოსპორტულიოლიმპიადა2023